नागपूर कार्यक्रम

नागपूर, दि. 17 – राज्यातील गोवंशाचे संवर्धन व कल्याण करण्याच्या उद्देशाने स्थापन करण्यात आलेल्या महाराष्ट्र गोसेवा आयोगाच्या नवीन संकेतस्थळाचे मुख्यमंत्री देवेंद्र फडणवीस यांच्या हस्ते आज अनावरण करण्यात आले. www.mahagosevaayog.org या संकेतस्थळाद्वारे गोसेवा आयोगाच्या कार्याची माहिती सहज उपलब्ध होणार आहे.

या कार्यक्रमाचे आयोजन विधानभवनातील समिती सभागृहात करण्यात आले होते. देशी गोवंश संवर्धन, संरक्षण आणि कल्याण यासाठी कार्यरत असणाऱ्या संस्थांचे पर्यवेक्षण करण्यासाठी गोसेवा आयोगाची स्थापना करण्यात आली आहे. या संकेतस्थळाच्या माध्यमातून राज्यातील जनतेला एका क्लिकवर सर्व माहिती मिळणार आहे.

राज्यात 1 कोटी 39 लाख गोवंश असून त्यापैकी 13 लाख देशी गायी आहेत, अशी माहिती आयोगाचे अध्यक्ष शेखर मुंदडा यांनी दिली. ‘गो टेन’ या उपक्रमांतर्गत गो संगोपन, संवर्धन, संरक्षण, गोमय मूल्यवर्धन, गोशाळा व्यवस्थापन, गो आधारित शेती, गो पर्यटन, आणि गो साक्षरता यासारख्या महत्त्वपूर्ण क्षेत्रांमध्ये काम सुरू असल्याचे त्यांनी स्पष्ट केले.

देशी गायींच्या संवर्धनासाठी विशेष दुग्धशाळा (डेअरी) उभारण्यात येणार असल्याचेही श्री. मुंदडा यांनी सांगितले. देशी गोवंश संवर्धनासाठी विविध योजना आखण्यात येत असून गोवंश संरक्षण आणि कल्याण हे या योजनांचे मुख्य उद्दिष्ट आहे. या योजनांची प्रभावी अंमलबजावणी संकेतस्थळाच्या माध्यमातून जनतेपर्यंत पोहोचवली जाणार आहे.

गोशाळा, पांजरपोळ, गोसदन आणि इतर गोवंश संस्थांची नोंदणी करण्यासाठी गोसेवा आयोग काम करत आहे. तसेच गोवर्धन गोवंश सेवा केंद्र योजनांच्या प्रभावी अंमलबजावणीसाठी प्रयत्न सुरू आहेत. दुर्बल आणि आजारी जनावरांची काळजी घेण्यासोबत त्यांना उपचार उपलब्ध करून देण्यात येत आहेत.

गोपालक, गोशाळा व्यवस्थापक, आणि पशु संगोपनात कार्यरत असणाऱ्या व्यक्तींसाठी प्रशिक्षण व जनजागृती उपक्रम राबवले जात आहेत. पशुपालकांना आधुनिक तंत्रज्ञानाची ओळख करून देण्याचे कामही आयोग करत आहे. याशिवाय सर्वसामान्य जनतेसाठी गोसेवा आयोगाच्या योजनांची आणि उपक्रमांची माहिती संकेतस्थळावर प्रदर्शित करण्यात आली आहे.

या संकेतस्थळाच्या अनावरण सोहळ्यात राज्याचे मुख्य सचिव सुजाता सौनिक, गोसेवा आयोगाचे सदस्य संजय भोसले, डॉ. नितीन मार्कंडेय, उद्धव नेरकर, सुनील सूर्यवंशी, सनत कुमार गुप्ता, दीपक भगत आणि इतर मान्यवर उपस्थित होते. या संकेतस्थळाच्या माध्यमातून गोवंश संवर्धनासाठी कार्यरत संस्थांमध्ये पारदर्शकता येणार असल्याचा विश्वास व्यक्त करण्यात आला.

मुख्यमंत्री देवेंद्र फडणवीस यांनी आपल्या भाषणात गोवंश संवर्धनाच्या महत्वावर जोर दिला. त्यांनी या संकेतस्थळाला राज्यातील जनतेच्या सेवेसाठी महत्त्वाचे पाऊल म्हणून संबोधले. देशी गायींच्या संवर्धनासाठी राज्य शासन कटिबद्ध असून या संकेतस्थळाद्वारे सर्वांसाठी सहज माहिती उपलब्ध होणार असल्याचे त्यांनी सांगितले.

संकेतस्थळ अनावरणानंतर पुढील दिशा: महाराष्ट्र गोसेवा आयोगाच्या संकेतस्थळाद्वारे देशी गोवंश संवर्धनासाठी अधिक प्रभावी काम होईल. या उपक्रमातून राज्यातील गायींच्या संवर्धनात मोठे योगदान होईल, अशी अपेक्षा आहे.